O sábado 4 de xullo voltamos a facer música da man de Acopovi nun concerto ó aire libre na Praza dos galegos ilustres no barrio de As travesas, acompañados tamén das corais ‘Val do Fragoso’ e ‘San Mamede de Zamáns’.

O repertorio estará formado por pequenas pezas que van dende o século XVI ata os nosos días, entre as cales poderemos escoitar moi variados estilos. A entrada é libre pero deberá de respectarse a seguinte normativa por parte do público:

É imprescindible e necesario que o público dos concertos corais estea sentado e gardando en todo momento o distanciamento de seguridade de 1,5 metros. Facilitarase a agrupación de conviventes mantendo a distancia de seguridade co resto de espectadores. Será obrigatorio o uso das máscaras.