Magna Ferreira
Licenciada en canto pola Escola Superior de Música e Artes do Espetáculo (ESMAE) do Porto (Portugal), Mestra en Educación Musical pola Universidade do Minho (Braga, Portugal) e Máster en Advanced Vocal Ensemble Studies pola Schola Cantorum Basiliensis (Basilea, Suiza), Magna Ferreira ten asistido ademais a diversas masterclasses de Canto, Música Antiga, Dirección Coral, e Dirección Orquestral.
Entre o 2001 e o 2003 foi membro do extinto Estudio de Ópera da Casa da Música (Porto, Portugal) e ten colaborado como formadora co Serviço Educativo da mesma institución, así como co Teatro Nacional S. João (Porto, Portugal), co Centre Culturel de Rencontre Ambronay (Ambronay, Francia), coa Universidade do Minho (Braga, Portugal) e máis coa Universidade Lusófona (Lisboa, Portugal), entre outros.
Na súa condición de Maestrina ten desenvolvido proxectos do Serviço Educativo da Casa da Musica (2002-2005) e do equipo artístico da Área da Comunidade en Guimarães, Capital da Cultura (2012), entre outros. Foi directora do proxecto “Vozes do Românico” (encadrada dentro da Rota do Românico) no que estreou obras de Fernando Lapa dirixindo a Orquestra do Norte (2014). Dirixiu e gravou a estrea de diversas obras de compositores portugueses, dentro das cales é de destacar o CD “Despiques” á fronte do Coro de Cámara de São João da Madeira.
Na súa faceta de cantante presentóuse en Portugal, España, Francia, Suiza, Polonia, México e Brasil con agrupacións e directores de grande recoñecimento en salas e festivais de referencia no ámbito da música lírica e clásica en xeral. Conta con multitude de rexistros que gravou para a canle Antena 2, a RTP, a Challenge Classics ou Au fil de l’air, entre outros. É de destacar a súa colaboración no álbum “Ruelles” que foi premiado en Francia pela Académie Charles Croq.
Como compositora, ten escrito obras para os grupos Teatro Bruto e Outra Voz, e recentemente estreou a súa obra “Tempus fugit” no Festival Vivarium (Porto, Portugal).
Na actualidade exerce a docencia do Curso de Música Antiga da ESMAE (IPP) e do Curso de Música Antiga en Agolada (Cedeira, A Coruña, España), no que ademais encárgase da dirección artística e pedagóxica.